20.11.2014
我哭了。太多遺憾，太多後悔。
國際學校的問題是一根刺，
我放不開，放不下。
太多機會，太多妄想，卻太少去爭取，太少堅持。
但願可做些令自己無悔，無憾的事。
22.11.2014
我又哭了。剛剛還正好好地談著昨天沒有去補習的事。母親突然提到，如果我當初進了本地小學，也許她也會找人替我補習。小學生涯就不會老實"看書，看書"當作功課；每天晚上都不會享有好的睡眠。但其實我沒看過書，我最討厭看書！這可算是無聲反抗的一種嗎？
小五那年，我說要考香港會考，要做回一個正常人。然後，便每天抄字典，學習中文。我跟同學說："我是被家人逼進來的。"她說她家人逼她進本地小學，但她要進國際小學..最後，她家人投降了。
小五那年，我嘗試逃走，但沒有堅持。最終，只是半途而廢的不斷受折磨。
中二那年，我又想走了。我跟所有同學斷絕了所有關係，我要離開了！心，一點不捨也沒有。入學申請信也寫了，張老師替我改好了。當時我還挺喜歡她的。
但到了最後，所有想法和夢想都落空了。基於尊重父母，我沒有繼續走。
到了最後，傷心的，就只是自己。
請問你為什麼不喜歡國際學校?
ReplyDelete因為同學問題或是你想學習更多的中文?
請問你為什麼不喜歡國際學校?
Delete國際學校係我果個年代唔太盛行。我係一個自信比較弱既人，身邊既親朋戚友大家對國際學校既認識唔多，我接受唔到自己既身份同其他人唔同.. 加上學費昂貴，教法冇咩系統，又冇直接既實用成效，所以我覺得唔係真係value for money。
因為同學問題或是你想學習更多的中文?
同同學唔熟又深交唔到唔多唔少係我既問題。同學入面有啲人真係好有錢，變成有時會好難同佢地合作或者玩。我屋企人唔比我同同學出街，所以自然容易比人排擠。人地會聽iPod、有手提電話，msn，可以係屋企自由上網，但我咩都冇。唔係話一個人既價值係建立係呢啲物質身上，但係作為當年既一個小朋友，好多價值觀真係會建立係呢啲物質上。
中文比身邊既本地朋友差好多，亦令到我覺得好自卑。我讀果間國際學校係用普通話教簡體中文字。我有啲相當基本既繁體字會唔識睇，有啲字未必識用廣東話讀。其他人有心無心既種種評論都會擺心上，令到自己唔開心。
請問你讀那間國際學校？
ReplyDelete另外我覺得你中文程度很好，作有一個國際學校學生，已经非常好！請問你如何學中文呢？
我女兒現在33 個月，諗緊應否讀國際學校。ESF K1 2015收左她，但害怕讀左ESF中文會很差，但如果有你中文的程度，已十分滿意。請問你如何學中文呢？
你提及過在國際學校讀書有不開心的地方，例如和有錢同學不夾，自卑中文差等等，也提醒了我，現也會擔心女兒也會面對同樣的問题。究意如何是好？很害怕選错學校给女兒。
如果给你選多次，你是否一定選讀本地学校？
期待你的分享
Nicole
Nicole你好
ReplyDelete1. 請問你讀那間國際學校？
為左保障我、家人同學校既私隱，我唔會公開曾就讀之學校既名，請見諒。
2. 另外我覺得你中文程度很好，作有一個國際學校學生，已经非常好！請問你如何學中文呢？
多謝你既讚賞。我平時會同媽媽講廣東話，有時會同爸爸講英文。佢地兩個都係香港人。我幼兒園果時讀普通既屋邨幼兒園，入左小學之後，係出面啲細班補習社學過普通話。該課程讀完之後，就搵左個老師教中文寫作，跟到year 12就因為學業壓力大，同埋覺得老師係year 11到開始已經幫唔到我。
3. 我女兒現在33 個月，諗緊應否讀國際學校。ESF K1 2015收左她，但害怕讀左ESF中文會很差，但如果有你中文的程度，已十分滿意。請問你如何學中文呢？
據我所知，esf而家比以前更多中文堂。但係esf既中文係用普通話同簡體字教，變成學生係香港唔太用得著。我覺得小一之前，甚至中一之前可以讀本地學校，之後想讀ib既話可以轉。但係esf好似好少名額收轉入黎既學生，所以要自己衡量一下。以前有好多人都係非esf kindergarten入esf讀小一，但我估而家可能會優先收esf kindergarten既學生。Esf某幾間小學既好處係有附屬/直升中學，而一啲例如康樂園、日本人學校就冇中學部。
4. 你提及過在國際學校讀書有不開心的地方，例如和有錢同學不夾，自卑中文差等等，也提醒了我，現也會擔心女兒也會面對同樣的問题。究意如何是好？很害怕選错學校给女兒。
係呀，無論本地定國際學校都會有有錢人排擠普通人，只係有啲學校會嚴重啲，有啲學校冇咁嚴重。如何是好就真係冇特定答案，呢個要自己衡量。
5. 如果给你選多次，你是否一定選讀本地学校？
係咪一定我真係唔知，不過我可能會採用一個一半一半既方法。我未必會揀傳統名校，但我覺得揀英中對於適應大學既英文課堂會有幫助。同我同齡既人係第二屆dse，所以如果我本身係讀本地學校我都唔知我會唔會考dse，定轉其他學制。
謝謝你的分享！
ReplyDelete請問你在哪補習社學中文，好嗎？
你覺得讀左國際學校後，思想會不會較為西化，還是依然很傳統呢？
Nicole
請問你在哪補習社學中文，好嗎？
Delete普通話係一間叫天平既教育中心學，學拼音為主。ok啦，起碼識講，不過而家好似冇左。寫作就私人補習。
你覺得讀左國際學校後，思想會不會較為西化，還是依然很傳統呢？
我個人就比教少接觸非華裔同學，對西方文化冇咩認識，亦留係香港讀大學。但係有啲同學就比較西化，或者去左外國之後西化左。所以冇得話一般人係點。除左學校之外，都要睇下每個人既屋企環境同校外圈子係點。